OPP remite un escrito á Autoridade Portuaria e promove unha recollida de firmas polo vial a Touriñán

No escrito remitido pola portavoz municipal, Sandra Vilela, á autoridade portuaria ponse de manifesto que a situación desta estrada é insostible por máis tempo.

O grupo municipal do Partido Popular no Concello de Muxía, a través da súa portavoz, Sandra Vilela, enviou hoxe un escrito á Autoridade Portuaria da Coruña en relación á estada de Faro Touriñán.

Dende o grupo popular toman esta decisión despois de que siga sen coñecerse a data de inicio das obras case 3 anos despois de que esta fose anunciada e comprometida polo ente dependente do Ministerio de Transporte, Movilidade e Axenda Urbana. Antes do verán do ano pasado o organismo anunciaba un novo retraso na data que se fixera pública con anterioridade como de inicio das obras e “falábase de que se iniciarían neste inverno. Aínda que todos tiñamos moitas reticencias e así foi” indica a portavoz popular. “Cando se produxeron estes retrasos reunímonos cos veciños en Frixe e estábamos á espera de que o novo goberno se formase coa esperanza de que ó pasar esto houbese noticias mais non foi así”.

No escrito remitido pola portavoz municipal, Sandra Vilela, á autoridade portuaria ponse de manifesto que a situación desta estrada é insostible por máis tempo visto xa dende o punto de vista da seguridade vial e pregan ó ente a que os informe de como está a situación actual deste procedemento.

Os populares recordaron que esta estrada é utilizada a diario polos veciños das parroquias de Nemiña, Frixe, Touriñán ou Morquintián principalmente ademáis de ser a principal vía para chegar a lugares tan emblemáticos de Muxía como Faro Touriñán ou a Praia de Nemiña.

Ademáis deste escrito dende os populares promoverán unha recollida de firmas que serán remitidas directamente ó ministro D. José Luis Ábalos.

Sandra Vilela tamén lamentou que “o alcalde non mova un dedo cando en campaña electoral chegou a decirlles ós veciños de Frixe nun mitin que a obra xa estaba licitada cando sabía, como é lóxico, que era mentira. Unha vez máis quere tapar as vergoñas do seu partido e antepono a defender ós veciños de Muxía